Clients reviews about كشري الشعلة

من ألذ الكشري اللي جربته الصراحة الطعم متوازن والمكونات طازجة والرز والعدس والمكرونة مستوية بشكل ممتاز والصلصة لذيذة والثوم والدقة أضافوا نكهة رهيبة والكمية ممتازة مقابل السعر والخدمة سريعة والتعامل راقٍ أكيد مو آخر زيارة وأنصح فيه بقوة لكل محب للكشري ~ Arees A

أقدّر جدًا أي مكان يحترم طلبات الزبون، طلبت منهم يكون الصوص خارجي وقالوا: “تم” بكل رحابة، بدون أي مجادلة وبرضو عندي ولاء لأي مطعم أكله يذكّرني بأكل البيت، ويمكن محد بيحس بكلامي إلا اللي يطلب أكله في الدوام أو عايش في غربة. بصراحة الأكل نظيف ولذيذ وخفيف، وكل الشكر والتقدير لليد العاملة، وأسأل الله أن يرزقهم من واسع فضله. ~ نوف

ما شاءالله تبارك الله جميل جدا جدا جدا وبسيط اقيمه ١٠/١٠ ولكن عندي تعقيب لو تضاف له حشوات مثل دجاج او لحم بيكون طاغي اكثر الا لو ذا الشيء ممكن ياثر على الجوده فيستمر على ماهو عليه افضل المهم صراحه من الذ الكشري اللي جربتها ويستاهل التجربه ~ jih e

اولا بسم الله ماشاء الله وتبارك الرحمن اتكلم عن نظافة المكان اللي تشوفها بعينك من دخولك لبداية لنهاية الطلب 👍🏻ولا عن سرعة الخدمه ولا عن الطعم أنا قد جربت عند اكثر من محل لكن ك افتتاحيه طعم واللقمه وراها الثانيه مثلهم ما لقيت صراحه شي مجمل ويعتمد واستمرو الكميه ايضا فل الفل صراحه استمتعت اقيم كل شي من ١٠ نجوم والله يزيدكم واستمرو على مانتم عليه بالتوفيق 👏🏻👏🏻 ~ Abdd A

الكشري بصراحه بطل ويستاهل .. كنت خايف صراحه يطلع زي غيرة بس هذا بصراحه بططل لا يفوتكم اللي يحب الكشري .. وترى حتى الصوص الحار له طعم بعد اخذت منه علبة للتجربه وطلع حلو كذا تحط منه شوي تغير طعم من لقمه الي لقمه ~ Abdulrahman M

اليوم جربنا الكشري ماشاء الله طعم لذيذ و جودة عالية و الكمية مناسبة و عندهم حجمين كبير و صغير و الأسعار مناسبة و التعامل رائع و ان شاء الله بنصير زباين للمطعم ، كل التوفيق و ان شاء الله نشوف لهم فروع في المملكة جميعها. ~ Pearl p

اليوم طلبت منهم لذيييذ لذيييذ يجننن ونظيف ماشاء الله تبارك الله واسعارهم مناسبه اخذت معاي حافظة وعبوها لي يعني تبغون تاخذون معكم في زوارة يجمل عليكم مررره ♥️♥️الله يبارك لهم في رزقهم ~ huda g

الشغل ممتاز ونضيف انصحكم فيه و الاجمل انه المالك سعودي وهو المشرف على كل شي وحارص اشد الحرص عليه انصحكم فيه افضل كشري ذقته في حياتي اهم شي الصوصات مايبخلون فيها و كل شي مضبطينه الله يوفقهم ويرزقهم ~ BADER

تجربة ممتازة جداً 👌 كشري الشعلة من الأماكن اللي فعلاً تستاهل التجربة، الطعم لذيذ ومضبوط بشكل واضح 👍 الأجمل إن صاحب الحلال سعودي وقايم بنفسه على المحل، وهذا يعطي ثقة كبيرة ويشجع إننا ندعم مثل هالمشاريع 👏 واضح الاهتمام بالنظافة والترتيب، وكل شيء مرتب ويعكس جودة المكان وكذلك إشرافه على العمال واضح، وهذا الشي انعكس على الخدمة والاهتمام بالتفاصيل باختصار: أكل لذيذ، نظافة، وإدارة سعودية نفتخر فيها 🇸🇦 ~ Abdullah D

الكشري أول مرة اجربة جدًاااا جدًًًًا جدًا لذيذ ومن سنين ماذقت نفس هالذاذة والعلبة كبيرة وكميتها مره راهية الموظف كريم بالكمية ولطيف والكمية تكفي تقريبًا ثلاث اشخاص ارجع له مليووون مرة 😍😍 ~ gadah a

اليوم شريت من عندهم كشري والله ما ابالغ الكشري لذييييييذ وخفيييييف طبخ بيت ما كأنه مطعم ابدا شغل نظيف وسعر جداً مناسب عسى الله يبارك لهم ويزيدهم ويرزقهم يستاهلون والله ~ فارس

شفت المطعم من قوقل ماب وجيته بناءً على التقييمات، وفعلاً كان يستحق المدح. الطعم ممتاز جدًا، والرز مب مصري وهذا عطى إضافة مميزة. لكن عندي نقطتين بسيطة أتمنى تعديلها: الأولى: كمية الزيت المهولة، وبرفق صورة لها. الأكل ما يحتاج كمية الزيت هذي، ولا أشوف إنها تحسن الطعم، وأغلب الناس ما يرغبونها. الثانية: كنت أتمنى لو كان فيه الصوص المشهور مع الكشري اللي يجي بالخل، أو على الأقل تحطون نص ليمونة، لأنه يحتاج حموضة تكمل الطعم. وبشكل عام كانت تجربة جميلة، والله يبارك لكم ~ Sultan A

تجربة ممتازة جداً في مطعم "كشري الشعلة". من أفضل الأماكن اللي تقدم كشري محلي محضر بامتياز ونظافة عالية جداً، والمطبخ المفتوح يخليك تشوف الترتيب والنظافة بنفسك. الطعم أصيل وموزون، والصلصة والبصل المقلي مقرمش ولذيذ تعامل الموظف كان في قمة الرقي والاحترام، سريع في الخدمة وبشوش مع الزباين. بالإضافة لتميز الأكل والخدمة، الأسعار تعتبر ممتازة جداً ومناسبة للجميع مقارنة بالجودة الملحوظة. أكيد ماراح تكون الزيارة الأخيرة، وأنصح بتجربته وبشدة! ⭐⭐⭐⭐⭐ ~ baraa b

المكان جيد جدا والاسعار مقبوله ولكن هو لا يشبه الكشري المصري هو له مذاق خاص وانا من عشاق الكشري هو ممتاز بالصراحه والتعامل من الموظف جيد للامانه ~ Eslam E

الكشري لذيذ جداً ومتوازن النكهات، نادراً يكون فيه مطعم مهتم بجودة الطعم والمنتجات والصوص والكميات.. كل التوفيق والله يبارك لأصحابه.. ~ mema m

ماشاء الله تبارك الله لذيذ لذيذ لذيذ ونظييف وسريعين الله يبارك لهم في رزقهم ويوسع رزقهم يارب من قوة لذاذته والله اخذت حافظه وعبيتها من عندهم ♥️♥️ ~ sara g

ماشاء الله تبارك الله ، اسأل الله ان يبارك لصاحب الحلال اول مره اجرب كشري بهالطعم كان جداً جداً لذيذ اتمنى انهم يستمرون على نفس هالمستوى. ~ M7md B

لذيذ جدًا الأسعار معقولة والجودة عالية تجربة أكثر من رائعة الأكل طازج والخدمة ممتازة يستحق الزيارة، الله يبارك لهم. ~ س ع

والله للآمانه اني توني اكلت منهم لذيييذ مراااا .. والاهم انه بيد شيف سعودي… يستاهل الطعم ترجع له مرا ثانيه وثالثه ورابعه ~ Amal A

اول مره يعجبني كشري صرااحه مره لذذيييذ والطعم ناطع والسعر حلو👌🏻 ،وعجبني كيف المحل نظيف ومرتب والخدمة رائعة👍🏻 ~ ريفا ر

ممتاز لكن مافي بليلة 😅. لوكان فيه بليلة كان كسر الدنيا والمكرونه السياغيتي تزيد شوية. الله الله ~ abdul h

سعيد جدًا بتجربتي، وسعيد كذلك إن هذا المطعم قريب لي الحمدلله. قابلت صاحب المكان في أحد المرات، وسولفت معه عن تجربته وعن المنتجات الي يستعملونها، لأن الجودة ظاهرة جدا ماشاءالله بالمنتج النهائي، وإذا بهم يستعملون أفضل المنتجات، ولا يبخلون على زبونهم بشيء أبداً، فالرز أبو كاس والمكرونة بيرفيتو، والزيت عافية، و الخ .. والرجال شغوف بعمله، ومتقن له، وهذا الشيء كله ظاهر في منتجهم النهائي=كشري لذيذ وخفيف وصوص موزون، وكمية طيبة، ونظافة المكان حكاية ثانية، أتمنى لهم كل التوفيق والسداد، وأسأل الله أن يبارك لهم في رزقهم ويفتح عليهم، آمين. ~ محمد

ماشاء الله تبارك الرحمن. (طعم+كمية+جودة+سعر) اشكركم للامانه. طلبي كان اثنين كشري صوص حار. لذيييذ ع مسوؤليتي. ~ nashi a

الله يطرح لكم البركه في حلالكم والله شي فوق الوصف اكل نظيف ويجمل انصحكم في التجربه اشد النصح وانا المسؤول من كلامي ~ Hadi

Reviews from our customers

Find us on social media